۱۳۷۲ بار خوانده شده

موشتری

بو یولون یولچوسو اولاییم, دئرسن
الده ایکی قارپیز توتمالی دئگیل

درویش اولوب, شالوار گئیهٔیم, دئرسن
گاهی گئییب, گاهی آتمالی دئگیل

نامرد بابچاسیندا قؤنچه گول اولماز
کامیل ایله یولداش اولان یورولماز

ایکی مخلوق واردیر, حاقا قول اولماز
مبرورلوق, کیبیرلیک ائتمه‌لی دگیل

مبرورلار اورادا اولورلار یالان
کیبر ایمیش یورولوب یوللاردا قالان

اگر یولچو ایسن کؤرپونو دولان
گؤز گؤره چامورا باتمالی دگیل

قویون قوزوسونا ناسیل مله‌دی
اؤکوزون قولابینا کیملر انه‌دی

قریب بولبول گول دالیندا تونه‌دی
هر چالی باشیندا اؤتمه‌لی دگیل

شاه خطای ایمام جعفر موخبیری
حاقین یارانیدیر وئیسولقره‌نی

حاقین خزنه‌سیندن گلن گؤوهری
موشتری اولمادان ساتمالی دگیل
اگر سوالی داری، اینجا بپرس.
این گوهر را بشنوید

این گوهر را با صدای خود، برای دیگران به یادگار بگذارید.

برای ضبط گوهر با صدای خود، لطفا به حساب کاربری وارد شوید.

گوهر قبلی:قارا گون یولداشی
گوهر بعدی:ایقرار وئردیم
نظرها و حاشیه ها
شما نخستین حاشیه را بنویسید.