الله-الله, دئیین, بازیلر,
بازیلر, دئیین, شاه منم

قارشو گلین, سجده قیلین
بازیلر, دئیین, شاه منم

ئوچماقدا توتی قوشویام
آبیر لشکر ار باشییام

من صوفیلر یولداشییام
بازیلر, دئیین, شاه منم

نه یئرده اکرسن بیترم
خاندا چابیرسان یئترم

صوفیلر, علین توتارام
بازیلر, دئیین, شاه منم

منصور ایله داردا ایدیم
خلیل ایله ناردا ایدیم

موسا ایله توردا ایدیم
بازیلر, دئیین, شاه منم

قیرمیزی تاجلی, بوز آتلی
آبیر لشگر نیسبتلی

یوسیف پئیبمبر صیفتلی
بازیلر, دئیین, شاه منم

ختاییم آل آتلییام
سؤزو شکردن داتلییام

مورتزا علی ذاتلییام
بازیلر, دئیین, شاه منم